ငယ်စဉ်ကတည်းက...ပဲ့ပြင်ဆုံးမ
မိဘတာဝန်ကျေခဲ့တဲ့... အဖေ
သားသမီးတွေ
မျက်နှာငယ်အောက်ကျို့
မရှိစေရအောင်
ကြိုးစားစွမ်းဆောင်ပေးခဲ့တဲ့...အဖေ
ပင်ပန်းမှုကို မိသားစုရဲ့သာယာမှုနဲ့ဖြေဖျောက်ပြီး
ကျွန်တော်တို့အတွက်
အနစ်နာခံခဲ့တဲ့... အဖေ
ဘဝအမောတွေကိုခါးစည်းခံ
လောကဓံကို ရင်ဆိုင်ပြီ
ကျွန်တော်တို့ရှေ့က
ကြံကြံခံ ကာဆီးပေးခဲ့တဲ့
မဟာတံတိုင်းကြီးသည်... အဖေ
ရာသီသုံးပါ... မနေနားဘဲ
ကြိုးစားခဲ့တဲ့ အဖေရုပ်ရည်
ဇရာဘယ်လောက်ထင်ထင်ပါ
အဖေရဲ့ မျက်နှာပေါ်မှာ
သား/သမီးတို့အပေါ်ထားတဲ့
ဖခင်မေတ္တာကို
သားကောင်းကောင်းကြီးမြင်နေရတယ်_အဖေ
အိုအဖေ... မြင်ကြည့်စမ်းပါဘိ...
အိမ်ရာဝင်တိုင်း...
ဆောင်ခြုံ ချစ်စနိုးနမ်းပြီး
မီးပိတ်ပေးတတ်တဲ့
ကျွန်တော်ရဲ့ ချစ်သောအဖေ
အခုတော့… ဘယ်ရောက်နေပြီလဲ…
ဒီရသ ဒီခံစားမှုကိုမျိုး
ဘယ်လိုအစားထိုးနိုင်မှာလဲလေ...
အဖေချစ်သော... သား
အဖေအတွက်
ကဗျာတစ်ပုဒ်ရေးခဲ့ပြီ... အဖေ
အဖေကြိုက်တဲ့
အောင်ချိမ့်တို့ မောင်ချောနွယ်တို့လောက်
မကောင်းပေမယ့်
အဖေကိုလွမ်းဘို့
ဘဝတစ်ခုရဲ့ စာမျက်နှာကို
ရဲရဲရင့်ရင့် ရင်ဆိုင်ဖို့အတွက်
ကဗျာတစ်ပုဒ်ကို
ကလက်ကာအသစ်နဲ့
စတင်ဖွင့်လှစ်လိုက်ပါပြီ... အဖေ
အဖေမြင်စမ်းစေချင်တယ်...
သိစေချင်တယ်အဖေရယ်...
ဟာ... ဘုရားခန်းက
အဖေဓါတ်ပုံမှာ
အဖေပြုံးကြည့်နေပါလား...
စိတ်ချပါအဖေ
သားတို့ရင်ထဲမှာ... အဖေရှိတယ်
အသွေးထဲမှာ... အဖေရှိတယ်
နောက်ဆုံး... သားရဲ့
ဝင်သက်ထွက်သက်တိုင်းမှာ
အဖေရှိနေတယ်... အဖေ
အဖေ ကောင်းရာသုဂတိလားပါစေ…။
No comments:
Post a Comment